Tag Archives: Midhat Frashëri.

100 Years Ago – 100 vjet më parë – 2 prill 1914

Nga Kalendari i Vatrës i Motit 1918 – redaktuar nga Fan S. Noli

“Prill 2, 1914.- Trazim në Korçë: Ca grekomanë, të shtyrë prej agjentëve të Greqisë dhe prej kapedan Sulos (njeriut të Dhespotit), nga mezi i natës, zunë të hedhin pushkë, duke thirrur: “Rroftë Autonomia! Rroftë Greqia!” Vriten disa prej shqiptarëve, pastaj kërcet pushka brenda në qytet dhe vriten edhe të tjerë nga të dyja anët. Arrijnë njerës nga fshatrat e Korçës dhe qetësohet qyteti.”

Shënim: “Datat dhe ngjarjet …nga Janar 7, 1914, gjer më Nëntor 7, 1914, janë marrë fjalë pas fjale nga KALENDARI KOMBIAR i motit 1915, dhe janë të shkruara prej shkrimtarit dhe atdhetarit të njohur Lumo Skëndo (Midat Be Frashëri)” – Nga Kalendari i Vatrës i Motit 1918, redaktuar nga Fan S. Noli, f. 32.